MUNZÛR HEYAT O

HEREKÎYAYÎŞÊ HEYETÎ NÊNO VİNDERTENE

Îktîtarê ke çimeyê esaret, zulum û nêheqî yê her game de heyatî gênê binê destê xo. Heyato ke Munzûr de bi rindekîya xo herekîno seba dinyaya înan a ke kar û talan ra ibaret a tehtît o. Nika yenê ke Munzûrî 8 cayanê ey ra biderê zincîre ra. Zanê ke awa ke Çemê Munzûrî ra herekîna heyat o. Munzûr heyatê masîyan, pisinganê koyan, gakovîyan, maran û mirçikan o. Awa ke bi hezaran serran Munzûr de herekîna heyatê Dêrsimî û Şarê Dêrsimî yo. Înan fam kerd ke Şarê Dêrsimî her tim qase Çemê Munzûrî azad o. Labelê ê nêzanenê ke; bi awe, hard, vaş, heywan û însananê xo, yew qesaya Dêrsimî esta. Yew qesaya ke qase duwayê kalan û huyayîşê domanan zer û can ra Koyanê Munzûrî de zimena û barajan rijnena: Munzûr heyat o û herekîyayîşê heyatî nêno vindertene.

Heyat duşê îktîdaran de hereketo bidewam o. Tebîyat ma ra tever û bêma yew çîye nîyo, ma de pîya çeşîdanê bêsîndoran ra xo keno weyî û sey yew çemeyo şîpo ke bi hezaran gêrikan ra virazîyayo. Hetanî ke bendan mederê pira û ver a dêsan mevirazerê însan kî sey çeman serbest herekîno. Însan bêhukumkerdişê kese binî beşe keno ke heyatê xo biramo, raya xo bi xo vîneno labelê destê zaliman de tebîyat heyato ke zereyê xo der o duşê ey de beno zalimode cazu. Tebîyat seba înan meydanê şerîyode girs o û her parçê canîyo ke zereyê tebîyatî der o, sebebê şerî û pazarî yo. Koyî û çemî sîndor; birî depoyê keresteyî; hard seba vetişê madenî, ramitişê mayinan arazîyo ke yeno kinitîş; awe Dijle de Firat de û zafîna çeman de sey cephaneyo ke barajan de dayîno pêser, bena yew aletê tahakumî. Labelê Çemê Munzûrî xover dano. Zor danê ey ke hardo ke bi hezaran serran heyat dayo ci ê hardî bikişo. Heywanê ke awa xo daya ci, vaşê ke kerdê kewe, insanê ke can dayo bi ci wazenê ke înan awa xo de bixeneqno. Xover dano... Labelê eke tenya bimano qeweta xo nêşona makîneyanê karî. Beşe nêkeno ke betonî raqilaşno. Şarê Dêrsimî gereke bikuyo virana Munzûrî. Sey ey gere biherekîyo, pîya, her çîyo ke şî daha biqewt. Gere pêl bi pêl biherekîyo. Qaso ke barajan birijno û şîrketan tever kero qewetin. Eke dêrsimijî ey de meherekîyê, pîştîye mederê bi ey mecbur keno. Aye ra tepya milê Munzûrî çewt maneno. Bombayê ke erzîyayê Afganîstan û Iraqî, dêso ke fîlîstinijan tecrît keno, ewro Dêrsim de -eke desture bidîme- benê barajî. Îktîdar ver de Munzûr de bendan dano awe ra. Awe de heyatî kî cemednayiş, seba ke raya ey goreyê xo bivurnayiş o. Heyato ke awa binê kontol der a, devrodayimo kor û bêpeyên de gevezîyayene, her ajne de koba ra ginayiş û ver a vera a xelesyayiş o. Wadarîyayîşê ferqan bêmanebîyayişê wextê vîyartî û amaye yo. No xeneqîyayişê tim heyato ke amo ramitene û kulturî yo. Zaf nê dahîrîs serre ra tepya, heyat pey bendan de xelesîno, terk beno, hard beno çamure û lemişt û awe bena golode bêhereket û poyîna. Munzûr 84 dewan serra bêçare meredîno ra. Ma mecbur nîme ke galê ke heyatanê ma û kesanê bînan ser a benê înan seyr kerîme. Ma heyato nîyanêno ke ver û peynîya xo çin a ey red kenîme!

Ma beşe kenîme ke her dêsî ser de şerîme û Munzûr de pîya tim engelan birijnîme. Çimke Dêrsim de heyat Munzûr o. Munzûro ke bi hezaran serran wextê viyartî û amayeyî xo dest de gêno, çeşîdîya ke virana xo de kirişeno, bi a çeşîdîye mîrasê azadîye dilop-dilop ano pêser.

Munzûr, naye ra tepya kî bi tebîyatê xo pêro îktîdaran û dewletanê înan, kelayanê înan û şîrketanê înan ra daha zedêrî weşîya xo rameno, bi weşîya xo her tim herekîno bi heyatî. Awa Munzûrî de Dêrsim nê, kapîtalîzîm xeneqîno.

Herekîyayîşê heyetî nêno vindertene!